Irakurketa-idazketaren ebaluazioa euskaraz

NeureHizki banaka ezarri beharreko tresna honek, hezkuntza-eremuan zein eremu klinikoan erabil daitekeena, Lehen Hezkuntzako 1. mailaren eta Bigarren Hezkuntzako 4. mailaren arteko ikasleen irakurketaren ikaskuntzan parte hartzen duten prozesu kognitiboak euskaraz ebaluatzeko diseinatua, irakurketaren eta idazketaren ikaskuntzan egon daitezkeen nahasmenduak edo horiek jasateko arriskua identifikatzea du xede. Tresna 4 bateriak osatzen dute, eta ataza desberdinak hartzen dituzte, eskola-etaparen arabera:

- Detekzio goiztiarra 1: LH 1-1. seihilekoa
- Detekzio goiztiarra 2: : LH 1-2. seihilekoa
- Detekzioa epe kritikoan: LH 2 – LH 3
- Detekzioa irakurketa finkatuan: LH 4 –DBH 4


Ataza batzuk berdinak edo antzekoak dira ataza-multzo guztietan eta beste batzuk desberdinak.

Ataza:

Hiztegia

Helburua:
Gaitasun lexikoa ebaluatzea marrazkien bidez.
Deskribapena:
Haurrak aurkeztutako marrazkia izendatu beharko du, ahoz.

Ataza:

Zentzurik gabeko testuaren irakurketa

Helburua:
Irakurketa mekanikoa ebaluatzea, laguntza semantikorik gabeko idatzizko testuinguru batean.
Deskribapena:
Haurrak zentzurik gabeko testu bat irakurri beharko du, paperean. Irakurketa-denbora gehienez 3 minutukoa izango da.

Ataza:

Hitz zerrendaren irakurketa

Helburua:
Irakurketa-maila ebaluatzea, zenbait hitzen maiztasun zein luzeraren arabera.
Deskribapena:
Haurrak maiztasun (altua-baxua) zein luzera (luzea-motza) ezberdineko 4 hitz-zerrenda irakurriko ditu paperean. Tabletaren bidez irakurketa-saioa grabatu eta erantzun-denborak zein huts-egiteak erregistratuko dira.

Ataza:

Pseudohitz zerrendaren irakurketa

Helburua:
Irakurketa-maila ebaluatzea, grafema-fonema bihurketarako gaitasunaren arabera.
Deskribapena:
Haurrak luzera (luzea-motza) ezberdineko 2 hitz-zerrenda irakurriko ditu paperean. Tabletaren bidez irakurketa-saioa grabatu eta erantzun-denborak zein huts-egiteak erregistratuko dira.

Ataza:

Fonemen banaketa

Helburua:
Fonema mailan, ahozko hizkuntzaren gutxieneko egiturak identifikatzeko gaitasuna ebaluatzea, entzundako pseudohitzen banaketaz baliatuz.
Deskribapena:
Haurrak asmatutako hitzak entzun eta soinutan banatu beharko ditu.

Ataza:

Lehenengo hotsaren omisioa

Helburua:
Fonema mailan, ahozko hizkuntzaren gutxieneko egiturak identifikatu eta erabiltzeko gaitasuna ebaluatzea, entzundako pseudohitzaren lehen hotsa alde batera utziz.
Deskribapena:
Haurrak asmatutako hitzak entzun eta, ondoren, lehen fonema alde batera utzi eta gainontzekoa ekoitzi beharko du.

Ataza:

RAN objektuekin

Helburua:
Irudiak azkar izendatzeko gaitasuna ebaluatzea.
Deskribapena:
Haurrak zenbait irudi ahalik eta azkarren izendatu beharko ditu.

Ataza:

RAN zenbakiekin

Helburua:
Zenbakiak azkar esateko gaitasuna ebaluatzea.
Deskribapena:
Haurrak zenbait zenbaki ahalik eta azkarren esan beharko ditu.

Ataza:

Letren ezagutza

Helburua:
Hizkiak deskodetzeko gaitasuna ebaluatzea. Fonemen idatzizko formaren ezagutza eta grafema-fonema elkarrekikotasuna baloratzea.
Deskribapena:
Haurrari letradun orri bat erakutsiko zaio eta letra bakoitzari dagokion soinua sortu beharko du. Hizkiak letra xedez edo letra larriz aurkeztuko dira, ataza-multzoaren arabera.

Ataza:

Silaben banaketa

Helburua:
Silaba mailan, ahozko hizkuntzaren egiturak identifikatzeko gaitasuna ebaluatzea.

Deskribapena:
Haurrak asmatutako hitz bat (pseudohitz) entzungo du, eta, ondoren, silabetan banatu beharko du.

Ataza:

Lehenengo silaba kentzea

Helburua:
Silaba mailan, ahozko hizkuntzaren gutxieneko egiturak identifikatueta erabiltzeko gaitasuna ebaluatzea.

Deskribapena:
Haurrak asmatutako hitz bat entzungo du (pseudohitz) eta, ondoren, lehen silaba kendu eta gainerakoa ekoitzi beharko du.

Ataza:

Oroimen fonologikoa

Helburua:
Gogoan gordetako informazio fonologikoa mantendu, berreskuratu eta ahoskatzeko gaitasuna ebaluatzea.

Deskribapena:
Haurrak asmatutako hitz (pseudohitz) bat entzungo du, eta zehatz errepikatu beharko du, ahoz.

Beste tresnak

Ahozko hizkuntzaren ebaluazioa euskaraz
Ahozko hizkuntzaren ebaluazioa gaztelaniaz
Irakurketa-idazketaren ebaluazioa gaztelaniaz