NeureSoft euskaraz zein gaztelaniaz hizkuntzaren ebaluaziorako tresnak garatzen dituen BCBL zentroko saila da (www.bcbl.eu). Kognizioa, burmuina eta hizkuntza aztertzen dituen diziplinarteko zentro honetan, nazioarteko profesionalez osatutako taldeak bertsio digitalean eskainitako metolodogia sortu du. Honek hizkuntzaren arloko profesionalen egunerokotasuna erraztea du xede.
NeureSoft-en helburua BCBL zentroan kognizioaren eta hizkuntzaren inguruan bildutako ezagutza zientifikoa gizartearekin partekatzea da. 2013. urtetik hainbat tresna garatu dira ume elebakar eta euskara eta gaztelaniazko elebidunen hizkuntzak ikertzeko.
Neuresoft-en helburua ahozko eta idatzizko hizkuntzaren inguruko nahasmenduen (adib. Hizkuntzaren Nahaste Espezifikoa edo Dislexia, besteak beste) ebaluaketa erraztu dezaketen tresnak sortzea da. Bateria bakoitza hainbat atazez osatua dago. Ahozko hizkuntzaren bateriek hizkuntzaren ulermen eta adierazpenean parte hartzen duten prozesu psikolinguistikoen inguruko informazioa jasoko dute: fonetika eta fonologia, lexikoa, morfosintaxia eta semantika. Irakurketa-idazketaren ebaluazioarako bateriek ahalmen hauen inguruko informazioa bilduko dute.
Horretarako, ondorengo bateriak sortzen ari gara:
Web-plataforma honek Neuresoft-ek garatutako bateria ezberdinetara sartzea ahalbideratzen du.
Behin plataforman erregistratuz gero, profesionalak bere neurrira egokitutako lekua izango du. Hemen, kasuak kudeatu eta ebaluaketa-ariketak webgunearen edo tablet baten bidez erabiltzeko aukera izango du.
Plataforma erabili ahal izateko, profesionalak lizentzia eta NEUREak izeneko erabilera-kredituak eskuratu beharko ditu. (Kreditu hauekin profesionalak atazak erabili eta emaitzen inguruko txostenak sortu ahal izango ditu).
“NEURESOFT” irabazi-asmorik gabeko ikerketa zentroaren baitan dago. NEURESOFT-en diru-sarrerak diagnostiko-bateriaren gastuak ordaintzeko, diagnostikorako tresna berriak eta BCBL zentroko ikerketak garatzeko bakarrik erabiliko dira.
